كيف تنحفين او تخصرين جسمك!؟

السلام عليكم اليوم جايبه لكم موضوع اكثر الناس تحتاجه حييييييل !

الرياضه! ياعالم يابشر الي تبي تنحف او تبي تقسيمات في جسمها لااااازم يكون عندها أراده 

طيب الحين بنتكلم عن البنت الي تبي تنحف البنت الي تبي تنحف غللللط انك تحاولين ماتاكلين ماراح تستفيدين اوكي بتنحفين بعدين بيصير في جسمك ترهل وراح يتساقط شعرك وراح تنعدم بشرتك يعني ماراح تفرحين بنحفك وراح ترجعين اسمن من ماكنتي عليه الي تبي تنحف تروح طبيب ويعطيها جدول غذاء تمشي عليههههههه وتمشي باليوم ساعه واذا ماقدرت ٣٠ دقيقه وتسوي رياضات الي تحبها وترقص زومبا ب غرفه حاره مافيها مكيف وترقص شرقي وتحاول تتحرك كثييير وتشرب مويه كثيييير صدقيني ٥ شهور تطلعين نحيفه والي نحيفه وتبي جسمها مخصر الي عليك تمشين نص ساعه كل يوم وتسوين رياضة السكوات والخصر ورقص الزومبا والشرقي وتشرب مويييه كثييييير طبعا بشهر راح تلاحظين اذا انتظمتي وبس ان شاء الله اكون افدتك 😍😘

كيفية العناية بالاظافر

كيفية العناية بالأظافر 

جمال اليدين ينقسم الى قسمين , القسم الاول هو نعومة اليدين وجمال شكلهما , والقسم الثاني هو الاظافروجمالهم ونظافتهم , والاظافر الجميلة والمنسقة تعطي انطباع عن الشخص نفسه ومدى عنايته بنظافته ومظهره الخارجي , ويجب أن نتعلم قواعد العناية بالاظافر لتكون صحية وجميلة . 

١.المحافضه على نظافة المبرد وتعقيمه باستمرار

٢. عدم برد الاظافر بشكل يومي 

٣. وضع ليمون وزيت زيتون وثوم كل اسبوعين لتقوية الاظافر وتطويلها 

٤. عدم استخدام الاظافر كأداة لاقتلاع الاشياء المثبته او فتح العلب 

٥. عدم تكسير الاضافر عن طريق وضعها في الفم  عشان يمنع من اطالة الاظافر 

٤. وكل يوم تدهنين يدك بكريم مرطب لليد لكي يظهر يدك مظهر رائع

العناية بشعر وكثافته

هلا هلا 

اليوم جايبه لكم طريقة بأذن الله تودعون الشعر الخفيف وبرضو العنايه فيه كثافة الشعر يمكن تبحثين على خلطات وكذا ويمكن ماتفيد كثافة الشعر يمكن يكون وراثه وانا جايبه لك طريقة صدقوني مو خلطه ولا شي هذي طريقة لو مشيتي عليها بأذن الله بتمشي معك وراح تحسين في فرق حتى لو بسيط 

الطريقة: 

اول شي لازم لازم تنامين بدري في اليل سبحان الله النوم له فوائد كثييييره ومنها كثافة الشعر 

وثاني طريقة هي اكلي فواكه كثيير كل يوم حددي فاكهتين او اكثر  

ثالث طريقة هي شرب الماء هذا اكثر شي بيفيدك كثييييير مررررره  

ورابع طريقة كل بعد ثلاث ايام دلكي فروة شعرك بثوم 

خامس شي  هو يساعد على العنايه بشعر ويحميه من كل شي وعليه مدح ومجرب شانبو الحصان 

صدقيني ابعدي عن كل الشانبوهات واستخدمي هذا الشانبو  

وصفة الثوم :

احضري فصين مبشوره من الثوم وقطعة  مذابة من الزبده ودلكي فروة راسك بحركة دائرية  ثم غطي شعرك بكيس او غطاء بلاستيكي لمدة ساعتين  ثم اغسليه بشانبو وكرري الطريقة كل ثلاث ايام او كل اسبوع .

واذا ماتبين هذا العناء وتبين شعرك يرجع زي اول يعني كثيف وناعم بدون تساقط 

عليك بحبوب هيردال 

الحين نجي عند العنايه بشعر 

العنايه اول شي تسوينه اذا فيه تقصف بشعرك روحي اقرب مشغل وقصيه كل التقصف وكل يومين حطي ماسك لشعرك وكل استشوار حطي سيروم وافضل سيروم هو كرستال تحطينه وتستشورين 

لانه يحمي من حرارة الاستشوار لان الحراره هي الي تسبب التقصف 

ان شاء الله يكون عجبكم 😘

طريقة ازالة المناكير بدون مزيل اظافر

السلام ياهويه 

اليوم جايبه لكم طريقة ازالة المناكير بدون مزيل  اظافر والطريقة مجربه ومضمونه طبعا انصح بس للي مخلص عندهم المزيل اما الباقين مايحتاج للامانه لمن تحطين الفازلين والمناكير احس شكلها مدري كيف الزبده  وانا اجرب الطريقة التصوير خايس ادري بس اثبت ان الطريقة نافعه 

الطريقة:

فازلين 

مناكير 

تحطين الفازلين على الاضفر وتخففين لين ما تحسين ان الاضفر بس لمعه عشان يثبت المناكير 

ويطلع الون واضح 

وخلاص ان شاء الله الطريقة تعجبكم بأذن الله 

 

الله يسعدكم انا قاعده اتعب وانزل وانتو مو متفاعلين لو تسون اشتراك او تعليق صدقوني بفرح 

😢

تفتيح الركب والاكواع اقل من شهر اسأل مجرب

سلااممم كيفكم 

ان شاء الله اليوم راح نتكلم على موضوع مرره مهم

الي هو تفتيح الركب والاكواع والرقبه 

كثير منكم تعانون في اسمرار في ركب او الاكواع او الرقبه جبت لكم طريقة حلووه ومجربه 

الي هو اسكينول هذا الشي معروف انه يفتح السواد الي في البشره وكريم مرطب بزبدة الكاكاو 

اي كريم مرطب تحبينه وقطن دائري 

الطريقة:

تحطين في القطن السكينول وتفركينه على المنطقة السوداء مرتين في اليوم واذا جيتي تنامي رطبي جسمك بكريم مرطب وفيك تستغنين عن كل هذي الاشياء وتكتفين بس بكريم الترطيب صراحه الانسان اذا اهتم في ترطيب والله تصير بشرته بيبي ولا فيها اسمرار 

اتمناء يكون عجبكم هذا البوست 

لا تنسون تكتبون تعليق وتشتركون في البلوقر 😍

مهم::

اي شي تبوني اتكلم عنه اكتبوه تحت👇🏻👇🏻👇🏻

روج كشميري من لايم كرايم 👍🏻👄

السلام كيفكم اليوم بتكلم على اكثر روج انشهر هذي السنه وهو الكشميري من لايم اكرايم 

طبعا لونه فضييييع من تجربتي ومحد سبه 

صراحه مو بس الون نفس الماركة

الي هي لايم كرايم معروفه بثبات الروج 

والله اني حاولت امسحه بصبعي م قدرت 😅

واكلت ولا طبع بالفنجال زي الارواج الثانيه 

طبعا الروج اذا حطيتيه لحاله بيطلع الون شوي يخرع 

لازم تحطين قبل محدد لونه غامق زي عنابي او بني وتوزعينه بصبعك على كامل الشفايف 👄

وبعدين تحطين الكشميري ويطلع الون كذا👍🏻

سعره 120

صراحه يستاهل ويوجد عند تاجرات كثير او بسوق طيبه 

اتمناء ان هذا البوست عجبكم  لاتنسون تشتركون في المدونه 😘